Государственное учреждение образования «Центр дополнительного образования детей и молодежи г.Ляховичи»

Меню раздела

Горячие новости

23.04.2024  Областной этап республиканского смотра инновационного и технического творчества

подробнее...

22.04.2024  Конкурс юных модельеров «Brest junior fashion»

подробнее...

22.04.2024  Мастер–класс «РобоАрт»

подробнее...

22.04.2024  Районная игра «Зарница»

подробнее...

16.04.2024  ЗАРНИЦА

подробнее...

Архив новостей

29.04.2020

Вытокі малой радзімы

Ляхавіцкая зямля багата на гісторыка-культурныя каштоўнасці. Сярод іх былыя сядзібы, курганныя могільнікі, культавыя збудаванні, помнікі воінскай славы. Незлічоную колькасць экспанатаў матэрыяльнай спадчыны захоўваюць экспазіцыі дзяржаўных і школьных музеяў. Музей «Баявой і працоўнай славы» сярэдняй школы № 2 г. Ляхавічы, «Гісторыка-краязнаўчы музей» Крывошынскай сярэдняй школы, «Гісторыка-краязнаўчы музей» Конькаўскага вучэбна-педагагічнага комплекса дзіцячага сада – сярэдняй школыдапоўнілі яшчэ 10 музейных вугалкоў, якія створаны ва ўстановах адукацыі раёна ў рамках агляду-конкурсу музейных вугалкоў «Іх памяць мы ў сэрцы захоўваем». Праводзіўся ён сёлета са студзеня па красавік і прысвячаўся 75-годдзю Перамогі савецкага народа ў Вялікай Айчыннай вайне і Году малой радзімы. Па ўмовах конкурсу ўстановам адукацыі неабходна было стварыць музейны вугалкоў, распрацаваць дакументацыю, якая рэгламентуе дзейнасць музейнага вугалка, падрыхтаваць віртуальную экскурсію і рэкламны буклет па экспазіцыях.

Пры ацэньванні музейнага вугалка ўлічваліся змястоўнасць і афармленне экспазіцый, правільнасць падрыхтоўкі дакументацыі, арыгінальнасць творчай прэзентацыі вугалка, артыстызм і культура мовы экскурсаводаў, інфарматыўнасць і змест віртуальнай экскурсіі і буклета.

У конкурсе прынялі ўдзел 11 установаў агульнай сярэдняй і базавай адукацыі раёна. Дзякуючы конкурсу, сёння на базе ўстановаў адукацыі раёна дзейнічае 10 музейных вугалкоў, якія адрозніваюцца па тэматыцы і профілю: 4 этнаграфічных, 1-ваенна-гістарычны, 6 гісторыка-краязнаўчых.

Па выніках конкурсу месцы размеркаваліся наступным чынам:

1 месца - музейны вугалок «Вытокі» Ліпскай сярэдняй школы;

2 месца - музейны вугалок «Наша памяць аб той вайне» Навасёлкаўскай сярэдняй школы;

3 месца - музейны вугалок «Духоўнае і матэрыяльнае багацце роднага краю» Начаўскай сярэдняй школы;

3 месца - музейны вугалок «Скарбы мінулага» Малагарадзішчанскага вучэбна-педагагічнага комплекса дзіцячага сада-сярэдняй школы.

А цяпер паспрабуем зрабіць невялічкі агляд музейных вугалкоў і пачнем з пераможцаў. У музейным вугалку «Вытокі» Ліпскай сярэдняй школы вы зможаце ўбачыць драўляны ложак і дзіцячую люльку, якімбольш за 100 гадоў. Экскурсаводы пазнаемяць вас з экспазіцыямі вугалка, якія прадстаўлены прыладамі працы простага сяляніна, ганчарнымі вырабамі, даматканымі коўдрамі, беларускай народнай вопраткай і многім інш. Музейны вугалок налічвае 120 музейных экспанатаў і па праву можа быць пераўтвораны ў сапраўдны музей.

А вось у музейным вугалку «Наша памяць аб той вайне» Навасёлкаўскай сярэдняй школы вас пазнаёмяць з гісторыяй Вялікай Айчыннай вайны на тэрыторыі Наваселкаўскага сельскага савета. Падчас экскурсіі вы даведаецеся аб баявым шляху ўраджэнца вескі Пранчакі Рыгора Нагорнага – поўнага кавалера ордэна Славы. Захоўваюцца ў музейным вугалку копіі і арыгіналы дакументаў, якія расказваюць пра акупацыйны рэжым, што дзейнічаў на тэрыторыі раёна ў гады Вялікай Айчыннай вайны.

Наведаўшы музейны пакой «Духоўнае і матэрыяльнае багацце роднага краю» Начаўскай сярэдняй школы, вы пазнаёміцеся з гісторыяй фарміравання сядзібы Чарноцкіх, лёсам яе ўладальнікаў, жыццёвым і творчым шляхам Напалеона Чарноцкага – вядомага беларускага перакладчыка і публіцыста. Акрамя таго, у пакоі сабрана этнаграфічная калекцыя, якая прадстаўлена прыладамі працы нашых продкаў. Сярод каштоўных экспанатаў – ткацкі станок.

Таленавітыя экскурсаводы–«спадары» Малагарадзішчанскага вучэбна-педагагічнага комплекса дзіцячага сада – сярэдняй школы запросяць вас у сваю «беларускую хатку», дзе пазнаёмяць з побытам беларускага сяляніна, яго заняткамі і прыладамі працы, без якіх не абыходзілася жыццё вяскоўца. А яшчэ там можна паспрабаваць змалоць зерне на сапраўднай зерняцёрцы пачатку 20 стагоддзя.

Сялянскі побыт таксама адлюстраваны ў музейных вугалках Дараўскага вучэбна-педагагічнага комплекса дзіцячага сада – сярэдняй школы і гімназіі г. Ляхавічы. У планах гімназістаў стварэнне экспазіцыі сапраўднай сялянскай хаты з печчу.

«Бабулін куфэрак» вучэбна-педагагічнага комплекса Падлескага дзіцячага сада – базавай школы напоўнены рознымі дзівосамі. Ёсць тут і незвычайныя калекцыі вулічных ліхтароў, і незвычайных па аздабленні гадзіннікаў. Эскурсаводы пазнаёмяць з асаблівасцямі ляхавіцкага і падлескага строю жаночага адзення. Сярод эспанатаў вылучаецца вобраз беларускага святога архімандрыта Серафіма Жыровіцкага, ураджэнца           в. Вялікае Падлессе (у міру – Раман Шахмуць). Кожны год 6 верасня Падлескай царквой Святога Духа праводзяцца святочныя ўрачыстасці ў гонар мясцовага святога.

Музейны вугалок «Мой родны кут» Тальмінавічскага вучэбна-педагагічнага комплекса дзіцячага сада – базавай школы ўвабраў у сябеэлементы побыту мясцовых жыхароў і асобныя экспазіцыі, прысвечаныя Вялікай Айчыннай вайне. Захоўваюцца тут і спіс жыхароў вёскі, якія не вярнуліся з фронту, і ўспаміны землякоў-партызан аб жудасных выпрабаваннях, якія ляглі на плечы простага чалавека ў гады ваеннага ліхалецця.

А вось музейны вугалок «Мая малая радзіма» Тухавіцкай сярэдняй школы пазнаёміць з гісторыяй населенага пункта, яго наваколлем. Асобная экспазіцыя прысвечана гісторыі мясцовага прадпрыемства – торфабрыкетнага завода. Сярод фотаздымкаў, якія адлюстроўваюць гісторыю будаўніцтва завода і яго сучасную дзейнасць, захоўваюцца фотаздымкі ўзнагарод прадпрыемства за перамогі ў рэспубліканскіх і міжнародных конкурсах.

Жарабковіцкая сярэдняя школа ў 2020 годзе аднавіла былое імя – «Жарабковіцкая сярэдняя школа імя Міхаіла Гаўрылавіча Мінкевіча». Ураджэнец вёсачкі Гулічы дасягнуў значных вяршынь – быў прызначаны Міністрам асветы БССР. Вядомаму земляку школа прысвяціла свой музейны вугалок. Сёння ў кабінеце гісторыі размешчаны стэнды з фотаздымкамі, якія адлюстроўваюць жыццёвы і працоўны шлях Г.М. Мінкевіча. Сярод каштоўных экспанатаў – арыгіналы рэцэнзій Г.М. Мінкевіча да пастаноў Міністэрства асветы БССР, рукапісныя тэксты выступленняў дзяржаўнага дзеяча. Цікавую экскурсію дапаўняе інтэрактыўная гульня, якая распрацавана кіраўніком музея ў мэтах замацавання ведаў па экспазіцыі.

Востраўская сярэдняя школа прадставіла ўвазе журы конкурсу змястоўную часовую выставу вышыванак. Падчас агляду экспазіцыі прадстаўлены вышываныя творы мясцовых майстрых. Экскурсавод пазнаёміла гасцей з тэхнікай вышывання, вызначыла яе асаблівасці ў розных рэгіёнах Беларусі.

На гэтым агляд музейных вугалкоў падыходзіць да завяршэння. Больш падрабязна пазнаёміцца з экспазіцыямі можна віртуальна: прэзентацыі і відэаролікі аб экспазіцыях музейных вугалкоў размешчаны на афіцыйных сайтах устаноў адукацыі. Але, калі вы застаецеся нераўнадушнымі да сваей гісторыі і родных каранёў, то вам абавязкова неабходна наведаць нашыя музейныя вугалкі «каб душою не ачарствець і не страціць святое штосьці». Установы адукацыі раёна заўжды гасцінна адчыняць перад вамі свае дзверы.

Выбор языка

Новости министерства образования